Top Bar Ad

Breaking News

తెలంగాణ ఇన్ఫ‌ర్మేష‌న్ టెక్నాల‌జీ అసోసియేష‌న్ (టీటా) అధ్యక్షుడిగా సందీప్‌కుమార్ మ‌క్తాల‌ ఎన్నిక

టీటా అధ్యక్షుడిగా సందీప్‌కుమార్ మ‌క్తాల‌ ఎన్నిక

– 11 సెట్ల ఏకైక అభ్య‌ర్థిగా సందీప్‌కుమార్ మ‌క్తాల‌
– ఐటీ వర్గాల్లో సంద‌డిగా గ్లోబ‌ల్ క‌మిటీ అద్య‌క్షుడి ఎన్నిక‌
– ఐటీ ఉద్యోగుల స‌మ‌స్య‌ల‌ను అన్ని పార్టీల మేనిఫెస్టోల క‌మిటీకి అందించ‌నున్న టీటా

సెప్టెంబ‌ర్ 16, 2018, హైద‌రాబాద్ః తెలంగాణ ఇన్ఫ‌ర్మేష‌న్ టెక్నాల‌జీ అసోసియేష‌న్ (టీటా) త‌న నూత‌న గ్లోబ‌ల్ కమిటీ అధ్య‌క్ష ఎన్నిక‌ను పూర్తి ప్ర‌జాస్వామ్య‌‌బ‌ద్దంగా, పార‌ద‌ర్శకంగా పూర్తి చేసుకుంది.

టీటా గ్లోబ‌ల్ క‌మిటీ అధ్యక్షుడిగా సందీప్‌కుమార్ మ‌క్తాల వ‌రుస‌గా మూడోసారి ఎన్నికైన‌ట్లు రిట‌ర్నింగ్ అధికారి అశ్విన్‌చంద్ర వ‌ల్ల‌బోజు వెల్ల‌డించారు. వివిధ దేశాల నుంచి ద‌ర‌ఖాస్తులు స్వీక‌రించ‌గా 12 ద‌ర‌ఖాస్తులు రాగా వీటిలో 1 ద‌ర‌ఖాస్తు చెల్ల‌లేదు. వివిధ విభాగాల నుంచి టీటా స‌భ్యులు ద‌ర‌ఖాస్తులు దాఖ‌లు చేశారు. ఐటీ కంపెనీల య‌జ‌మాన్యాల‌ నుంచి నాగ‌రాజు మ‌ర్యాల మ‌రియు స‌భ్యులు, గ్లోబ‌ల్ వ‌ర్కింగ్ టీం నుంచి రాణాప్ర‌తాప్ బొజ్జం మ‌రియు స‌భ్యులు, మ‌హిళల నుంచి శ్రీ‌ల‌త చింతల మ‌రియు స‌భ్యులు, మెక్సికో నుంచి రాజ‌శేఖ‌ర్ రైడ మ‌రియు స‌భ్యులు, విద్యార్థుల నుంచి సౌమ్య మ‌రియు స‌భ్యులు, ఉరుగ్వే నుంచి నిరంజ‌న్ మ‌రియు స‌భ్యులు, కెన‌డా నుంచి రంజీత్ గ‌వ్వ‌ల‌, అమెరికా నుంచి మ‌నోజ్ తాటికొండ మ‌రియు స‌భ్యులు, న్యూజిలాండ్ నుంచి క‌ట్ల వినిత్ రెడ్డి మ‌రియు స‌భ్యులు, ద‌క్షిణాఫ్రికా నుంచి కిషోర్ పుల్లూరి మ‌రియు స‌భ్యులు, సింగ‌పూర్ నుంచి క‌లా సంతోష్ మ‌రియు స‌భ్యులు, నేహా బండారి మ‌రియు బృందం నామినేష‌న్లు దాఖ‌లు చేశార‌ని ఆయ‌న వివ‌రించారు. ద‌ర‌ఖాస్తుదారులంద‌రూ త‌మ అధ్య‌క్ష అభ్య‌ర్థి సందీప్ మ‌క్తాల అని పేర్కొంటూ నామినేష‌న్లు దాఖలు చేశారు.

కాగా, సోష‌ల్ ఒపీనియ‌న్ పోల్‌లో కూడా సందీప్‌కుమార్ మ‌క్తాల‌కు పెద్ద ఎత్తున మ‌ద్ద‌తు ద‌క్క‌డం విశేషం.

#ISupportMakthala హ్యాష్‌ట్యాగ్‌తో పెద్ద ఎత్తున టెకీలు, యాజ‌మాన్యాలు, ఎన్నారైలు సందీప్‌కుమార్ మ‌క్తాల అధ్య‌క్ష అభ్య‌ర్థిత్వానికి మ‌ద్ద‌తు తెలిపారు. టీటా ఆవిర్భావం నుంచి నేటి వ‌ర‌కు స‌మ‌ర్థంగా ముందుకు తీసుకుపోవ‌డంతో పాటుగా ఎంతో అభివృద్ధి చెందించిన ఆయ‌న నాయ‌క‌త్వాన్ని తాము బ‌ల‌ప‌రుస్తున్న‌ట్లు వెల్ల‌డించారు.

నూతనంగా ఎన్నికయిన ఈ కమిటీ 2019-2022 కాల‌ప‌రిమితి కోసం ప‌నిచేయ‌నుంది. రిట‌ర్నింగ్ అధికారిగా అశ్విన్ చంద్ర వ‌ల్ల‌బోజు, అసిస్టెంట్ రిట‌ర్నింగ్ అధికారి వెంక‌ట్‌ వ‌నం వ్య‌వ‌హ‌రించారు. సందీప్ మక్తాల సార‌థ్యంలోని బృందం గ్లోబ‌ల్ వ‌ర్కింగ్ క‌మిటీ బృందాన్ని త్వరలో ప్ర‌క‌టిస్తామ‌ని వివ‌రించారు.

2010లో ప్రారంభ‌మైన తెలంగాణ ఐటీ అసోసియేష‌న్ 2013లో అధికారిక గుర్తింపును ఏపీ స‌ర్కారు హ‌యాంలోనే పొందింది. తెలంగాణ అనే ప‌దం వినిపించడం స‌మ‌స్య‌గా మారిన ఉద్య‌మం స‌మ‌యంలో ప్రారంభ‌మైన టీటా ఐటీ ఉద్యోగుల ప‌క్షాన గ‌ళం వినిపించి ఉద్య‌మం వైపు మ‌ర‌లించింది. తెలంగాణ ఉద్యమం స‌మ‌యంలో ఐటీ ప‌రిశ్ర‌మ‌పై భిన్నాభిప్రాయాలు వ్య‌క్త‌మ‌వ‌గా, ప‌లు వ‌ర్గాల నుంచి వ్య‌తిరేక‌మైన అభిప్రాయాల నేప‌థ్యంలో ఐటీ ఉద్యోగుల త‌ర‌ఫున వాద‌న‌ను వినిపించారు.

రాష్ట్ర ఏర్పాటు వ‌ల్ల అంత‌ర్గ‌తంగా కొంద‌రు తెలంగాణ వ‌స్తే స‌మ‌స్య‌లు వ‌స్తాయ‌ని పేర్కొన‌గా…దాన్ని టీటా స‌మ‌ర్థంగా తిప్పికొట్టింది. అనిశ్చితి దూరం అవుతుందని, భ‌విష్య‌త్ అభివృద్ధి పథంలో సాగుతుంద‌ని వివ‌రించింది. టీటా లోగోను సందీప్‌మ‌క్తాల స్వ‌యంగా రూపొందించారు.

తెలంగాణ వ‌చ్చిన త‌ర్వాత ఇప్ప‌టివ‌ర‌కు రాష్ట్ర ప్ర‌భుత్వం త‌ర‌ఫున‌ మూడు అవార్డులను టీటా సొంతం చేసుకుంది. జాతీయ స్థాయిలో రెండు స్కోచ్ అవార్డులను సాధించుకుంది. టీటా బ‌లోపేతానికి సందీప్‌కుమార్ మ‌క్తాల విశేష కృషి చేశార‌ని ఈ సంద‌ర్భంగా అశ్విన్ చంద్ర వ‌ల్లబోజు తెలిపారు. విదేశీ ప‌ర్య‌ట‌న‌లు చేసి టీటా బ‌లోపేతం చేసేందుకు పెద్ద ఎత్తున కృషి చేశార‌ని వివ‌రించారు. ల‌క్ష‌లాది మందిని సాంకేతిక అక్ష‌రాస్య‌త వైపు మ‌ర‌లించ‌డం, డిజిట‌ల్ విలేజ్ విష‌యంలో కేంద్ర ప్ర‌భుత్వం నుంచి అవార్డు తీసుకున్నార‌ని గుర్తుచేశారు. 12 ఏళ్ల సుదీర్ఘ ఐటీ పరిశ్రమ అనుభవం కలిగిన సందీప్ కుమార్ మక్తాల నాయ‌క‌త్వంలో టీటా ఐటీ పరిశ్రమలోని ఉద్యోగులు, యాజమాన్యాలు,విద్యార్థులు, ఎన్నారైల తరఫున గళం వినిపిస్తున్నార‌ని వెల్ల‌డించారు.

ఈ ఎన్నిక సందర్భంగా సందీప్ కుమార్‌ మ‌క్తాల మాట్లాడుతూ వ‌రుస‌గా మూడో సారి గ్లోబ‌ల్ టీం అధ్య‌క్షుడిగా త‌న‌కు అవ‌కాశం క‌ల్పించ‌డం సంతోష‌క‌ర‌మ‌న్నారు.  తెలంగాణ‌లో ఎన్నిక‌ల నేప‌థ్యంలో ఐటీ, అంకుర సంస్థల ఉద్యోగుల స‌మ‌స్య‌ల‌ను ఆయా పార్టీల మేనిఫెస్టోల క‌మిటీల‌ దృష్టికి తీసుకువెళ‌తామ‌ని వెల్ల‌డించారు. ఇప్ప‌టికే టీటా టీంలో అంత‌ర్గ‌తంగా ఇందుకోసం క‌మిటీ ఏర్పాటుచేశామ‌ని పేర్కొంటూ త్వ‌ర‌లోనే ప్ర‌ధాన పార్టీల మేనిఫెస్టోల బాధ్యుల‌కు ఈ ప్ర‌తిపాద‌నలు అంద‌జేస్తామ‌ని వెల్ల‌డించారు.

తెలంగాణ ఇన్నోవేష‌న్ మ‌రియు ఇంక్యుబేష‌న్ సెంటర్ ద్వారా రాష్ట్రంలో ఎన్నారైలు పెట్టుబ‌డులు పెట్టేందుకు స‌హ‌క‌రిస్తామ‌న్నారు. తమ‌తో క‌లిసి ప‌నిచేసేందుకు వివిధ దేశాల్లో ఉన్న ఎన్నారైలు, ఐటీ ఉద్యోగులు ఆసక్తిగా ముందుకు వస్తే ఆత్మీయంగా స్వాగ‌తిస్తామ‌ని సందీప్ కుమార్ మ‌క్తాల వెల్ల‌డించారు. సాంకేతిక అక్షరాస్యతను మరింత క్రియాశీలంగా ముందుకు తీసుకుపోతామన్నారు.

కాగా, టీటా గ‌వ‌ర్నింగ్ కౌన్సిల్ బృందాన్ని ఈ సంద‌ర్భంగా ఎన్నుకున్నారు. ఉపాధ్య‌క్షుడిగా రాణ‌ప్ర‌తాప్ బొజ్జం, గ్లోబ‌ల్ జ‌న‌ర‌ల్ సెక్ర‌ట‌రీలుగా అశ్విన్‌చంద్ర వ‌ల‌బోజు, న‌వీన్ చింత‌ల‌, ర‌వి లెల్ల ట్రెజ‌ర‌ర్‌గా ఎన్నిక‌య్యారు. కాగా, టీటా గ్లోబ‌ల్ క‌మిటీ ఎన్నిక సంద‌ర్భంగా ఐటీ వర్గాల్లో సంద‌డి నెల‌కొంది.

Leave a Reply

Your email address will not be published. Required fields are marked *